Facebook

2012-2013 年度

頒獎禮花絮

2012-13年度期間,有138間學校參與第2屆「全港墨兜回收校奬賽」,一共收集到過萬個可以用嚟循環再造嘅墨兜。為鼓勵更多學生參與,比賽增設咗「墨兜回收環保漫畫大賽」,一共收到嚟自101間學校,超過4,000份嘅漫畫作品,反應非常踴躍。

一眾得獎嘅學校代表喺2013年6 月15日親身嚟到置富都會出席簡單而隆重嘅頒獎典禮,並由「麥兜」創作人麥家碧小姐、佳能香港董事長及行政總裁美野川久裕先生、佳能香港商務影像方案部高級總監及總經理馮少奇先生及佳能香港影像信息消費產品部及企業傳訊部高級總監及總經理張立基先生擔任頒獎嘉賓。

頒獎典禮同場亦安排咗以環保為主題嘅攤位遊戲同佳能最新嘅S-MARK 智能評估方案示範,令到訪嘅學生同老師以輕鬆嘅方法認識一個更環保且高效嘅教學平台。

綠色工作坊

佳能香港先後喺9間中、小學舉辦綠色工作坊,透過多元化嘅活動,例如問答遊戲﹑話劇﹑短片等同一眾學生分享正確嘅環保價值觀。

環保專題展板

佳能香港精心製作嘅「環保專題展板」,喺20間學校用作巡迴展出,將環保訊息宣揚開去。